About

Wäa de Heilje Schreft oda de Mennonitische Jeschicht läse well finjt blooss eene Toopfotunk aunwäsent.
Väle Eenzelheite dee de von‐doagsche Läsasch intressieere sent en de Schrefte nich to finje. Om de
Läsasch äa Hunga fa mea Eenselheite to erfelle haft sikj een Aufdeel von de Literatua jenant Historische
Roman enwekjelt. En solche Literatua schrift de Dichta von de Erieejnisse von lang trigj un felt de
Jeschicht ut met jleewende Eenselheite. De Bieekja von D. E. Copre un J. Stoll opp dise Websied jehieere
to soone Literatua. Daut Buak von J. Driedger vetalt von siene werkjliche Erläwnisse en siene Jugent. De
Jeschichte sent en twee, oda dree‐sproakje Forme jejäwt; en Enjlisch, Plautdietsch un uk Spaunish.
Plaudietsch haft noch miere jeschräwne Forme; de 'Zacharias Ortografie' woat en dise Bieekja jebrukt.
De twee, un dree‐sproakje Utgowe saule aus Läsemateriol fa Plautdietsche Klausse deene. Tolatst, een
Ziel von dise Websied es een kjliena Biedrach en de Entwekjlunk en de jeschräwne Form von
Plautdietsch to moake.